चेहऱ्यावर छान ग्लो येण्यासाठी आपण बाजारात येणारे अनेक प्रकारचे प्रोडक्ट्स म्हणजेच क्रीम, लोशन्स, सिरम इ. खरेदी करतो. मात्र, या प्रोडक्ट्सवर कधी कधी आपले वाजवीपेक्षा जास्त पैसे खर्च होतात. त्यामुळे, आता अनेक लोक नैसर्गिक उपाय करून स्किनकेअर करतात. घरच्या घरी उपलब्ध असणारे दूध, हळद आणि विशेष गुणधर्मांनी युक्त वनस्पती जसे की, कोरफड, तुळशी इ. अनेक गोष्टी वापरून नैसर्गिकरित्या त्वचेचा ग्लो वाढवता येतो. या रिपोर्टमध्ये आम्ही तुम्हाला मध आणि मलाईसह चेहऱ्याचा ग्लो वाढवण्यासाठी सुंदर टिप्स देणार आहोत.
Also Read: महागड्या साडीवरील जरीकाम खरे आहे की नाही? 'या' सोप्या पद्धतीने सहज पटेल ओळख
त्याआधी आपण मध आणि मलाईचे गुणधर्म समजून घेऊयात:
मध म्हणजेच सोप्या भाषेत शहद म्हटले जाते. यामध्ये अँटीबॅक्टेरियल आणि अँटीसेप्टिक गुणधर्म असतात. मध त्वचेला हायड्रेट करण्यास आणि त्वचेजची आर्द्रता टिकवून ठेवण्यास मदत करते. तसेच, मलाई देखील त्वचेला मॉइश्चरायझ करण्यास आणि मऊ करण्यास मदत करते. याशिवाय, त्वचेवरील टॅनिंग देखील कमी करता येते. त्यात असलेले अँटी-ऑक्सिडंट्स त्वचेला सनटॅन आणि सनबर्नच्या समस्येपासून वाचवण्यास मदत करतात.
याव्यतिरिक्त, चेहऱ्यावर क्रीम लावल्याने चेहऱ्यावरील कोरडेपणामुळे होणाऱ्या जळजळीपासून आराम मिळतो. या दोन्हीच्या मिश्रणाचे अनेक प्रकारचे फेस मास्क बनवल्यास तुम्हाला नैसर्गिकरित्या चमकणारी त्वचा मिळेल. फेस मास्क पुढीलप्रमाणे:
मध आणि मलाई फेस मास्क
एक चमचा मध आणि एक चमचा ताजी क्रीम घ्या आणि एका वाटीत घेऊन त्याचे चांगले मिश्रण करा. यानंतर, त्याची मऊ पेस्ट होईल. तुमचे हात आणि चेहरा स्वच्छ धुवून घ्या. आता बोटांच्या मदतीने किंवा ब्रशने हे मिश्रण चेहऱ्यावर लावून घ्या. हे मिश्रण 15 ते 20 मिनिटे चेहऱ्यावर लावून ठेवा आणि पाण्याने स्वच्छ करा. डोळ्यांभोवतीचा भाग वगळता संपूर्ण चेहरा आणि मानेला हलक्या हातांनी मसाज करण्याचे लक्षात ठेवा.
मध, मलाई आणि कोरफड
मध, मलाई आणि कोरफडचा फेस पॅक बनवण्यासाठी 2 टेबलस्पून मलाई, 2 टेबलस्पून मध आणि 2 टेबलस्पून एलोवेरा जेल मिसळून मऊ पेस्ट बनवा. हा फेस पॅक 15 ते 20 मिनिटे चेहऱ्यावर लावा आणि नंतर चेहरा स्वच्छ धुवून घ्या. हा फेस पॅक त्वचेला मॉइश्चरायझ करण्यास मदत करेल आणि तुमचं चेहऱ्यावर नैसर्गिकरित्या ग्लो येईल.
मलाई आणि हळद
मलाई आणि विशेषसा गुणधर्मांनी समृद्ध हळद हे दोन्ही त्वचेसाठी फायदेशीर आहेत. याचे फेस पॅक बनवून लावल्यानेही चांगले परिणाम मिळतील. हे मास्क बनवण्यासाठी 2 चमचे क्रीम, 1 चमचा मध आणि 1 चमचा हळद पावडर घ्या. या तिन्ही गोष्टी मिक्स करून मऊ पेस्ट बनवा. 10 मिनिटे चेहऱ्यावर लावल्यानंतर, कोमट किंवा सामान्य पाण्याने चेहरा धुवून घ्या. कोरड्या त्वचेसाठी हे फेस पॅक अधिक योग्य असेल.
डिस्क्लेमर: वरील सर्व टिप्स अवलंबण्यापूर्वी अनुभवी लोकांचा किंवा तज्ञांचा सल्ला नक्की घ्यावा.