राजस्थानी पेहरावाबद्दल प्रत्येक भारतीय महिलेला एक वेगळेच आकर्षण असते. त्यातल्या त्यात बांधणी प्रिंटचे ड्रेसेस म्हणजेच लेहेंगे, कुर्ता, साड्या इ. घातल्यास तुमचे एक सुंदर लुक नक्कीच बनते. पण आपल्याला माहितीच आहे की, राजस्थान त्याच्या समृद्ध इतिहास आणि कलेसाठी खूप प्रसिद्ध आहे. राजस्थानची राजधानी जयपूरला 'गुलाबी शहर' म्हणूनही ओळखले जाते. मंदिरे आणि किल्ले पाहण्यासाठी उदयपूर, जोधपूर, जैसलमेर आणि माउंट अबू सारख्या ठिकाणी भेट देण्यासाठी लोक दूरवरून येतात. तसेच, येथे शॉपिंगसाठी देखील निरनिराळ्या कपड्यांचे पर्याय आहेत.
वर सांगितल्याप्रमाणे, राजस्थानी बांधणी प्रिंटचे ड्रेसेस खूप सुंदर आणि आकर्षक दिसतात. पण केवळ बांधणीच नाही तर, राजस्थानचे इतरही प्रसिद्ध प्रिंट्स आहेत, ज्याबद्दल क्वचितच लोकांना माहिती आहे. जाणून घेऊयात इतर प्रिंट डिझाईन-
लहरिया प्रिंट
लहरिया ही राजस्थानची एक प्रसिद्ध पारंपारिक कला आहे. हे बनवण्यासाठी कापड फिरवले जाते, नंतर वेगवेगळ्या रंगात रंगवले जाते आणि त्यानंतर लाटांसारखे पट्टे बनवले जातात. या प्रिंटमध्ये पंछी लहरिया, मोथरा लहरिया आणि सामान्य लहरिया असे प्रकार आहेत. या प्रिंटमध्ये पगडी, लेहेंगा, साड्या, सूट आणि दुपट्टे बनवले जातात.
बगरू प्रिंट
बगरु प्रिंट राजस्थानातील बगरू गावातील पारंपारिक हाताने ब्लॉग प्रिंटिंग तंत्राने बनवले जाते. हे बनवण्यासाठी नैसर्गिक रंगांचा वापर केला जातो. हे रंग वनस्पती आणि इतर नैसर्गिक स्रोतांपासून बनवले जातात. या प्रिंटमध्ये तपकिरी, बेज, क्रीम, काळा आणि लाल रंग अधिक वापरले जातात. ते बनवण्यासाठी डाबू नावाची तंत्रे वापरली जातात. ज्यामध्ये डिंक, माती किंवा बाजरीच्या भुश्याचा वापर कापडावर नमुने बनवण्यासाठी केला जातो.
दाबू प्रिंट
डब्बू प्रिंट देखील राजस्थानचे पारंपारिक ब्लॉक प्रिंटिंग तंत्र आहे. ही प्रिंट हाताने बनवली जाते. यामध्ये लाकडी ब्लॉक्स वापरून कपड्यांवर डिझाईनवर मातीचा पेस्ट लावला जातो, नंतर तो रंगांनी रंगवला जातो. या प्रिंटमध्ये बहुतेकदा निळ्या रंगाचे कपडे देखील आढळतात.
सांगानेरी प्रिंट
सांगानेरी प्रिंट हे राजस्थानातील जयपूर जिल्ह्यातील सांगानेर शहराच्या नावाने ओळखले जाते. ही एक पारंपारिक ब्लॉक प्रिंटिंग तंत्र आहे जी खूप जुनी असल्याचे म्हटले जाते. ही प्रिंट बनवण्यासाठी बहुतेकदा पांढऱ्या किंवा हलक्या रंगाच्या कापडाचा वापर केला जातो आणि त्यावर बारीक डिझाईन्स लावल्या जातात. त्यात बहुतेक फुले, पाने आणि कळ्या यांचे डिझाईन्स आढळतात. या प्रिंटसह साड्या, बेडशीट आणि कुर्ती बनवल्या जातात.
image credit: gettyimages.com