Haircare Mistakes: केसांना सारखं-सारखं हात लावल्याने ते गळतात का? प्रचलित मान्यतांवर विश्वास ठेवायचा का?

तेलाने मालिश केल्याने किंवा डोक्याला वारंवार हाताने मारल्याने केस गळतात का? केसांबद्दल असे अनेक प्रश्न आणि गैरसमज लोकांमध्ये प्रचलित आहेत. अशी देखील मान्यता आहे की, केसांना वारंवार ओले केल्याने देखील केस गळू शकतात. बहुतेक लोकांचा असा विश्वास आहे की, केसांना स्पर्श केल्याने किंवा मालिश केल्याने देखील केस गळतात. जवळजवळ प्रत्येकाला काळे आणि दाट केस हवे असतात. वाढते प्रदूषण, दूषित पाणी आणि खालावलेल्या लाइफस्टाइलमुळे केवळ शरीरच नाही, तर केस आणि त्वचासुद्धा कमजोर दिसू लागतात. तज्ज्ञांनी TV9 ला दिलेल्या वृत्तानुसार, हेयर केयरमध्ये अनेक चुकीच्या मान्यता आहेत. त्याबद्दल आम्ही तुम्हाला या रिपोर्टमध्ये सांगणार आहोत.

Also Read: Makeup Tips For Summer: उन्हाळ्यातही अधिक टिकेल तुमचा मेकअप, फॉलो करा अगदी सोप्या टिप्स

त्यामुळे केसांची काळजी घेणे अत्यंत महत्त्वाचे आहे. म्हणून आज आम्ही तुम्हाला सांगणार आहोत की तेलाने मालिश करणे किंवा टाळूची वारंवार काळजी घेणे योग्य आहे की नाही. तसेच, नैसर्गिकरित्या आपले केस कसे मजबूत करायचे तेही जाणून घ्या.

केसांना वारंवार स्पर्श करणे योग्य आहे का?

तज्ञांचंय मते, सामान्य केस मालिश किंवा वारंवार केस विंचरल्याने केस गळत नाहीत. मात्र, ज्या लोकांना केस गळतीचा त्रास आहे, त्यांच्यासाठी अति मालिश किंवा केसांना वारंवार स्पर्श केल्याने त्यांची समस्या आणखी वाढू शकते. यामुळे केवळ केस गळतीच होत नाही, तर नवीन उगवलेले केस गळण्याचा धोकाही निर्माण होतो. तज्ञांच्या मते, असे केल्याने केस कमकुवत होतात, ज्यामुळे केस गळती वाढू शकते. जर तुम्हाला केस गळण्याचे प्रमाण वाढवणारी एखादी समस्या असेल, तर तुम्ही मसाज करून घेऊ नये. तुम्ही नियमितपणे मसाज करून घेऊ शकता, पण तो हलक्या हातांनी करा कारण त्यामुळे रक्तप्रवाह सुधारण्यास मदत होते. 

तेल मालिशच्या वेळी होणाऱ्या चुका 

तज्ञांच्या मते, हेअर मसाज करताना जोर लावल्याने किंवा ओढल्याने केसांच्या मुळांना इजा होण्याचा धोका असतो. याशिवाय, जर तुम्ही घरी केसांना तेल लावत असाल, तर ते फक्त एक तासासाठीच लावा. आंघोळीच्या एक तास आधी केसांना तेल लावल्याने केसांना चांगले पोषण मिळते. आंघोळीनंतरही केसांना हलके तेल लावत जा. जर तुम्ही केसांना तेल लावून रात्री झोपलात किंवा दिवसा अनेक तास तसेच ठेवले, तर त्यावर घाण साचण्याचा धोका असतो. यामुळे कोंड्याची तक्रार देखील वाढू शकते. 

हेयरकेयर टिप्स 

- केवळ केसांची निगा राखणारी उत्पादने किंवा घरगुती उपायांवर अवलंबून राहणे योग्य नाही. तज्ज्ञ पौष्टिक पदार्थांचा समावेश असलेल्या निरोगी आहाराची शिफारस करतात. केसांना केवळ बाहेरूनच नव्हे, तर आतूनही पोषणाची गरज असते.

- आठवड्यातून एकदा किंवा दोनदा केसांना तेल लावा, पण अंघोळीच्या एक तास आधी ते तेल केसांना लावून मालिश करायला विसरू नका. शॅम्पू केल्यानंतर सीरम लावणे ही देखील एक चांगली पद्धत आहे.

- शरीरातील पाण्याचे प्रमाण टिकवून ठेवण्यासाठी दररोज किमान आठ ग्लास पाणी प्या. ओलावा कमी झाल्यामुळे केसांची नैसर्गिक चमकही नाहीशी होऊ शकते.

- दररोज केस धुण्याची चूक करू नका. एक दिवसाआड केस धुवा. तुमची इच्छा असल्यास, तुम्ही आठवड्यातून तीनदा देखील केस धुवू शकता.

image credit: pexels