चला तर जाणून घेऊयात गॉगल्स खरेदी करताना कुठल्या गोष्टींची काळजी घ्यावी..
- ऑफिसवेअर, फॉर्मलवेअर , कॅज्युअल वेअर, आउटिंग यासाठी वेगवेगळ्या प्रकारचे सनग्लासेस वापरायला हवेत.
-कधीही सनग्लासेस वापरून बघितल्याशिवाय खरेदी करू नका.
- अंडाकृती चेहरा असणाऱ्यांनी ब्रॉड आणि ओव्हरसाईझ फ्रेम वापराव्यात. गोल चेहरा असणाऱ्यांना स्क्वेअर शेप किंवा सेमी राऊंड ग्लासेस छान दिसणार.
- नेहमी चांगले आणि उत्तम दर्जाचे ग्लासेस वापरा.
- सनग्लासच्या काचेच्या प्रत्येक रंगामागे विशिष्ट कारण असतो. सभोवतालचे वातावरण, डोळ्यांचे आरोग्य याला अनुसरून काचांची निवड केलेली असते. जाणून घेऊयात काय आहे काचेच्या प्रत्येक रंगाची खासियत-
पिवळा: बाहेरच वातावरण ढगाळ आणि कंटाळवाणे असेल तर पिवळ्या रंगाचा गॉगल घालावा.
राखाडी : राखाडी रंग अतिभडक प्रकाशाची तीव्रता डोळ्यांपर्यंत पोहोचू देत नाही. म्हणून कडक उन्हात राखाडी रंगाचा गॉगल वापरावा.
तपकिरी: दिवसभर उन्हात काम करायचे असल्यास तपकिरी रंगाचा गॉगल वापरावा.
निळा: निळ्या रंगाचा गॉगल उन्हाचा प्रखरपणा कमी करतो. म्हणजेच निळ्या रंगाच्या गॉगलमध्ये डोळ्यांना उन्हाचा प्रखरपणा जाणवत नाही.
लाल: लाल रंगाच्या काचा डोळ्यांचा ताण कमी करून व्हिजुअल डेप्थ वाढवतात. रस्ता स्पष्ट दिसण्यास यामुळे मदत होते. त्यामुळे हायवेवर प्रवास करताना लाल काचांचे सनग्लासेस वापरावे.
काळा:दैनंदिन वापरासाठी काळ्या रंगाचा गॉगल उत्तम आहे.