चला तर जाणून घेऊयात परदेशातील काही सौंदर्य टिप्स...
- आफ्रिकन स्त्रिया आपले सौंदर्य खुलवण्यासाठी जोजोबा ऑईलचा वापर करतात. त्वचा आणि केसांच्या कंडिशनिंगसाठी हे एक प्रभावी तेल आहे.
- इटालियन स्त्रियांचा चेहरा नितळ आणि हात गुळगुळीत असतात. चेहरा व हातांसाठी त्या ऑलिव्ह ऑइल वापरतात, ज्यामुळे त्वचा मुलायम आणि बेदाग बनते. त्याप्रमाणे त्यांच्या आहारात हर्ब्सचा वापर जास्त प्रमाणात असतो. ज्यामुळे त्यांची सुंदरता कायम राहते.
- जपानी स्त्रिया एकदम हलक्या फुलक्या आणि प्रमाणबद्ध असतात. तसेच त्यांचा चेहरा नितळ व टवटवीत असतो. त्यांच्या सौंदर्याचे गुपित म्हणजे 'ग्रीन टी' होय. या 'ग्रीन टी'मुळे कॅलरीज चटकन जळतात आणि चेहऱ्यावर सुरकुत्या पडत नाहीत. तसेच यातील अँटिऑक्सिडंट्स तुम्हाला तरुण आणि निरोगी ठेवतात.
- पर्शियन स्त्रियांच्या चमकदार आणि सुंदर त्वचेचं रहस्य म्हणजे 'मीठ' होय. एक कप समुद्री मिठामध्ये अर्धा कप पेपरमिंट टी मिसळून बनवलेली पेस्ट स्नानापूर्वी त्वचेवर चोळतात, यामुळे त्वचा चमकदार आणि स्वच्छ बनते.
- घनदाट, काळेभोर आणि लांब केस असणाऱ्या स्पॅनिश स्त्रियांच्या सौंदर्याचं गुपित काय बरं असेल? तर 'क्रेनबेरीचा रस' होय. या रसाचा उपयोग त्या शाम्पू केल्यावर केस धुण्यासाठी करतात.
टीप: वरील कुठल्याही टिप्स फॉलो करण्यापूर्वी तज्ज्ञांचा सल्ला नक्की घ्यावा.