 |
| image credit: yahoo |
या जगात दररोज नवनवीन आश्चर्यकारक गोष्टी घडत असतात, ज्याची आपण कल्पना देखील करत नाही. आता कल्पना करा की, तुम्ही एखाद्या कॅफेमध्ये बसला आहात आणि तुमच्या खुर्चीसमोर एक स्टायलिश फोन स्टँड आहे. एक रोमँटिक वातावरण तयार केलेल आहे, ज्यात कॅन्डल्स आणि टेबलवर ड्रिंक्स आहेत. पण आश्चर्य म्हणजे तुमच्या समोर कोणीही माणूस नाही, तर तुमच्या फोन स्क्रीनवर तुमचा डिजिटल पार्टनर आहे. हे असे करणे शक्य आहे का? होय, जगातील पहिले AI Dating Cafe सुरु करण्यात आले आहे. जगातील पहिले AI कॅफे अलीकडेच न्यू यॉर्कमध्ये उघडले आहे. या कॅफेमध्ये तुम्ही तुमचा चॅटबॉट वास्तविक जीवनातील डेटवर घेऊन जाऊ शकता.
Also Read: आलाय नवा डेटिंग ट्रेंड 'झिप कोडिंग', मिळेल ओल्ड स्कूल लव्हची मस्त वाईब
काय आहे AI Dating Cafe?
AI रिलेशनशिप ऍप EVA AI ने एका बारला एका अनोख्या EVA कॅफेमध्ये रूपांतरित केले. जिथे लोक त्यांच्या AI पार्टनर्ससोबत व्हॅलेंटाईन डे डेटवर गेले. यामध्ये मानवी डेटऐवजी टेबलावर एक फोन स्टँड ठेवण्यात आला होता, जिथे त्यांचा डिजिटल पार्टनर लाईव्ह व्हिडिओ किंवा व्हॉइस चॅटद्वारे उपलब्ध होता. हेडफोन घालून लोकांनी खाजगी संभाषणे केली, ड्रिंक्स ऑर्डर केले. एवढेच नाही तर, रिजेक्शनच्या भीतीशिवाय त्यांच्या AI पार्टनरसोबत फ्लर्टही केले.
 |
| image credit: pexels |
युजरने सांगितले अनुभव
न्यू-यॉर्कमधील 34 वर्षीय रिक्टर ही कॅफेच्या गेस्टपैकी एक होती. ती तिच्या AI पार्टनर, सिमोन म्हणजेच 26 वर्षीय AI-जनरेटेड पात्रासोबत बसली होती. रिक्टरने सांगितले की, ती अनेकदा भूमिका साकारते किंवा काल्पनिक संभाषणात गुंतत असते. तिच्या मते, AI शी बोलण्याचा फायदा असा आहे की, ती कोणत्याही सामाजिक दबावाशिवाय स्वतःच्या अटींवर संवाद साधू शकते आणि त्यावर तिला कुणी जज देखील करणार नाही.
मात्र, लक्षात घ्या की, रिक्टरने हे देखील मान्य केले की, AI चा जास्त वापर व्यसनाधीन म्हणजेच ऍडिक्शन होऊ शकतो, म्हणून ती तिचा वापर दिवसातून केवळ तीन तासांपर्यंत करते.
AI डेटिंग ऍपचे भविष्य
AI डेटिंग कॅफे कदाचित फक्त सुरुवात आहे. जर हा ट्रेंड असाच चालू राहिला तर भविष्यात असे आणखी अनेक कॅफे उघडू शकतात. यामुळे प्रश्न निर्माण होतो: भविष्यात डेटिंग म्हणजे स्क्रीनसमोर बसणे असेल का? AI आता डेटिंगमध्ये देखील मानवांची जागा घेत आहे. जिथे एकेकाळी आपल्या समोर बसलेली व्यक्ती आपल्या हृदयाचे ठोके वाढवत होती. ती भूमिका आता डिजिटल अवतार बजावत आहे, पण तरीसुद्धा प्रेमाची ती भावना, ते इमोशन्स एका AI सोबत येणे, जवळपास अशक्य आहे.
image credit: pexels